Кітапханамыздағы қазақ тілін үйрететін «Кел сөйлесейік» клубына қатысатын ұлдар бүгін нәзік жандыларды келе жатқан мерекемен құттықтады. Мемлекеттік тілде өлең оқып, ән айтып, шын жүректен шыққан ізгі тілектерін жеткізді. Әйелдер мен қыздарға руханият ошағының атынан сыйлықтар да табыс етілді. Осындай шаралардың арқасында балалар қазақ тілін қолдану арқылы тезірек меңгереді. Одан кейін сахна мәдениетін, көпшіліктің алдында өнер көрсетуді де үйренеді. Алдағы уақытта мұндай концерттік шаралар жалғасын таба бермек.