Ұрпаққа ұлағат болар қазақ батырлары туралы тәрбиелік-тағылымдық шаралар өткізу кітапханамыздың дәстүрі. Осы орайда бүгін Төтенше жағдай министрлігінің Өскемендегі дайындық орталығы курсанттарының қатысуымен халқымыздың қаһарман ұлы, әлемдік деңгейде аңыз адамға айналған Бауыржан Момышұлы туралы танымдық дәріс өткіздік. Батырдың екінші дүниежүзілік соғыстағы ерлігі, еліміздегі қызметі және шығармашылық жолы туралы егжей-тегжейлі әңгімелеп бердік. Осыдан кейін курсант жастар ұлтымыздың ұлы тұлғасы туралы деректі фильмдер көрді.