Кітап ордамызда «АТОМТАНУ» жобасы аясында Томбы  политехникалық  университетімен бірлескен   ядролық  медицина  тақырыбындағы  кезекті  дәріс өткіздік.

Танымдық шара барысында «Ядролық технология  инженерлік  мектебінің»    «Ядролық-отын кезеңі»  бөлімінің  доценті, «Ядролық  және радиациялық қауіпсіздік» атты  білім бағдарламасының басшысы  Андрей Семенов  ядролық  медицина  туралы бізге беймәлім  құнды  ақпараттар айтты.

Ядролық медицинаны  денсаулық саласында пайдаланудың  маңызы,  обыр (рак) ауруын гамма-сәуле, нейтронды-протонмен және басқа да радиациялық технологиямен емдеу  мәселелері талқыланды.

Денсаулық  мекемелерін радиациялық қауіпсіздікпен қамтамасыз ету жолдары туралы да айтылды. Әрине, өз кезегінде  жастар көкейлерінде жүрген көп сұрақтарын қойып, жан-жақты жауаптар алды.

Осылайша, дәріске қатысушылар   Ядролық Медицинаның   ауруды анықтау және емдеудегі маңызы мен тиімділігі, заманауи технология  және денсаулық  саласындағы жаңашылдықтар  туралы білім-танымдарын байытты. 

«АТОМТАНУ» атты  жобамыздың  аясында  Томбы  политехникалық университетімен бірлесіп Ядролық медицина  тақырыбындағы танымдық  дәрістерімізді  келешекте де жалғастыратын боламыз.