Қаламыздағы дарынды балаларға арналған математиканы тереңдетіп оқытатын мектеп лицей интернатының оқушылары кітапханада қонақ болды. Балақайларды Рухани ошағымыздың қайнап жатқан тіршілігімен таныстырдық. Керемет көрменің куәгері болған олар "Ұлттық валюта" жайлы қызықты ақпарат ала білді. Оқушылар "Теңге алу" ойынында ерекше белсенділік танытып, алған ақпараттары бойынша барлығына тыңғылықты жауап беріп тартысты ойын көрсетті. Кейіннен киіз үйіміздегі үздік технологияменде танысып біраз бой жазып ойындар ойнады. Балақайлар кітапхана қызметкерімен еркін тақырыпта әңгіме өрбітіп, жеткен жетістіктерін де айта түсті. Құрметті жас дос біз сізді кітапханамызда күтеміз!