Қазақстан Республикасының Тәуелсіздігі күніне орай Өскемен қаласының мәдениет және тілдерді дамыту бөлімі мен Оралхан Бөкей атындағы кітапхананың ұйымдастыруымен "Менің Отаным - "Тәуелсіз Қазақстан!" атты тарихи-мәдени мазмұндағы KUIZ байқауы өткізілді. Қатысушылар - "Кел, сөйлесейік!" мемлекеттік тілді үйрету клубында қазақ тілін үйренуші өзге ұлт өкілдері. Атап айтқанда: Өскемен жылу жүйелері орталығы, "Өскемен Водоканал", "Жұлдыз" өнер мектебінің талапкерлері және он екі (12) кітапхана бөлімшесіндегі қазақ тілі курсына қатысушылар. Қазақстан тарихы мен мәдениеті бойынша өткен білім бәйгесі тартысты өтіп, қатысушылар қазақ тілін жақсы меңгергендерін және жан-жақты білімдерін де көрсете алды.