Отанымыздың  Тәуелсіздігі күні қарсаңында  кітап ордамызға қаламыздың  жиырмаға жуық мектебінің оқушылары келді. 

Жастар кітап қорымен танысумен бірге заманауи технология кереметтеріне де куә болды.    Сандық үлгідегі технология:  3D  үлгілерін жасау және басып шығару, VR қашықтағы шынайылықтар, AR толықтырылған шынайылықтар, компьютерде өз ойындарын жасауды үйрену, қосымша жасау сияқты жаңашылдықтар балалардың қиялына қанат қақтырғандай болды.  

«Менің байтақ Отаным»!» атты интерактивті  картамыз  арқылы  еліміздің қалаларына  саяхат жасап, әр өлкенің танымал тұлғалары мен  киелі  жерлері туралы қызықты ақпараттар алды.  

Оралхан Бөкей атындағы кітапхана – өскелең ұрпақтың болашағына  бағыт беріп,  армандарына бағдаршам  болар руханият ордасы.

Біліммен бірге  заманауи технологияның да қыр-сырын меңгеруі  үшін  біз жастарға барлық жағдайды  жасап, жан-жақты қызмет көрсетеміз, үйретеміз, шабыттандырамыз!

Құрметті Достар!

Еліміздің жан-жақты дамыған ұл-қыздары  болғыларың келсе, біздің кітап ордамызға келіңдер!

Біздің мекенжайымыз:

 Оралхан Бөкей атындағы кітапхана

Е.П.Славский атындағы Ертіс жағалауы, 22

Хабарласыңдар, қуанамыз:

8 (7232) 25-17-70

+7 747 212 83 31

+7 707 494 98 83