Бүгін Оралхан Бөкей атындағы кітапхана Төтенше жағдайлар министрлігінің қызметкерлерін қабылдады. Шара барысында қонақтар Ілияс Есенберлиннің 110 жылдық мерейтойына арналған арнайы көрмемен танысты.

Қазақ әдебиетінің алыбы атанған Ілияс Есенберлин халқымызды тарихымен, хандық дәуірімен қауыштырған жазушы. Оның шығармалары ұлт руханиятының қазынасына айналған баға жетпес мұра. Көрмеде жазушының өмірі мен шығармашылығынан сыр шертетін сирек кітаптар мен архивтік құжаттар қойылды.

Қонақтар көрмеден шабыт алып, Есенберлиннің әдеби мұрасына терең үңілуге мүмкіндік алды. Бұл шара ұлы жазушының еңбегін дәріптеп, жас буынға ұлт тарихы мен мәдениетін насихаттауда үлкен маңызға ие.