Күні кеше қазақ әдебиетінің көрнекті өкілі, жазушы, әдебиет зерттеушісі Мұхтар Мағауин тірі болғанда 85 жасқа толар еді. Осыған орай, кітапханада жазушының бай мұрасын дәріптеу және шығармашылығымен танысуға арналған тағылымды кездесу өтті.

Шараға мектеп оқушылары қатысып, тарихтың терең тамырын зерттеген Мұхтар Мағауиннің еңбектерімен танысты. Кітапхана қызметкерлері жазушының өмірі мен шығармашылығына шолу жасап, оқырмандарға тың мәліметтер ұсынды.

Сонымен қатар, қатысушыларға арнайы авторлық танымдық жоба – “Қобыз сарыны” ұсынылды. Бұл жоба арқылы ұлттық аспаптың тарихы мен құрылымы таныстырылып, оның әдебиеттегі орны мен маңызы туралы айтылды. Жоба аясында оқушылар кітап оқудың маңыздылығын түсініп, ұлттық мәдениетке деген қызығушылықтарын арттырды.

Ұлт руханиятын ұлықтау – болашақтың кепілі!