Оралхан Бөкей атындағы кітапханада ұлттық құндылықтарды насихаттау мақсатында ерекше шара өтті. Студенттер кітапханамыздың тыныс-тіршілігімен танысып, мәдени-рухани ортаның мүмкіндіктерін кеңінен зерттеді.

Қонақтар VR киіз үйіне кіріп, заманауи технологиялар арқылы ұлттық дәстүрлермен танысты. Сондай-ақ, рух беріп, ой-өрісін дамытатын үйірмелер жайлы ақпарат алды.

“Бата алсаң – бақ қонады” және “Жеті атаңды білсең – жете біл” атты үйірмелер студенттерге ата-баба мұрасын тереңірек түсінуге жол ашты.

VR көзілдіріктің көмегімен асық ойнап, қазақ халқының ежелгі ойындарын жаңа форматта сезінді.

Кездесу соңында студенттер ұлттық ойындардан сайысқа түсіп, ләңгі теуіп, асық ойнап, ерекше көңіл-күйге бөленді.

Ұлттық құндылықтарымызды дәріптеу – болашаққа салынған алтын көпір!