Бүгін кітапханамызда №3 Шоқан Уәлиханов атындағы мектептің 6-сынып оқушыларының қатысуымен бала құқықтары мен міндеттері тақырыбында тәрбие сағаты өтті.

Шара барысында оқушылар БҰҰ-ның Бала құқықтары туралы Конвенциясына тоқталып, әр баланың өмір сүру, білім алу, медициналық көмекке қол жеткізу, өз ойын еркін білдіру сынды негізгі құқықтарымен танысты. Сонымен қатар, балаға өз құқығымен қатар міндеттерді де білу маңызды екені айтылды. Яғни, үлкендерді құрметтеу, тәртіп сақтау, білім алуға ұмтылу, қоршаған ортаға қамқорлық таныту – әр баланың жауапкершілігі.

Іс-шара түрлі сұрақ-жауаптар, пікірталастар және көрнекі материалдар арқылы қызықты әрі мазмұнды өтті. Оқушылар өз ойларымен бөлісіп, өз құқықтары мен міндеттері жайлы көбірек мағлұмат алды.

Осындай тәрбиелік маңызы зор кездесулер балалардың құқықтық сауаттылығын арттырып, саналы ұрпақ тәрбиелеуге өз үлесін қосады. Кітапхана ұжымы мектеп оқушылары мен ұстаздарына алғыс білдіре отырып, алдағы уақытта да осындай мазмұнды шаралар жалғасады деп сенеміз!