Оралхан Бөкей кітапханасының  «Кел, сөйлесейік!» жобасы  аясында  тіл үйренуші  талапкерлер  мемлекеттік тілде  мереке өткізуді  дәстүрге айналдырған.  Көктемнің алғашқы  күні  «МАҒАН ӨМІР СЫЙЛАДЫҢ - АЯУЛЫ АНАМ!»  атты  кезекті  өнер тартуы  8 наурыз – Аналар мерекесіне  арналды. Өскемен  қаласының  мәдениет  және тілдерді дамыту бөлімінің  қолдауымен  ұйымдастырылған  шарада  өзге  ұлт  өкілдері  аяулы Аналарына  қазақ тілінде   ізгі  тілектерін,  ән-күйлерін тарту етті. Жыр жолдарын  арнады. Аналары туралы қазақ тілінде жазған  шығармаларын мәнерлеп айтып, сүйсінтті.  Енді бірі Анасы туралы жасаған бейнеролигін көпшілік назарына ұсынды. Осылайша, мемлекеттік тілде өткен  өнер кеші мазмұнға бай болып, дән-риза етті.