Бүгін кітапханамызда ерекше бір рухани сәттің куәсі болдық. «Өрлеу» біліктілікті арттыру курсының ұстаздары білім ордасына арнайы қонақ болып келді.

Көкірегі ояу, көзі қарақты, ел ертеңі үшін тер төгіп жүрген ұлағатты ұстаздар кітапхана қорымен, қызмет бағыттарымен танысып, кітап әлеміне саяхат жасады.

Кездесу барысында олар үшін кітапхана тек білімнің ғана емес, тәрбие мен тағылымның ордасы екені айқын сезілді. Әңгіме өрбіген сайын жүректерге жылу ұялатқан әсерлі сәттер көп болды. Ұстаздар қауымы өз ойларымен, жылы лебіздерімен бөлісіп, рухани ортадан ерекше әсермен тарқасты.

Осындай басқосулар кітап пен ұстаз қадірін арттырып, келешекке деген сенімді нығайта түседі.

Кітап – ұстазға, ұстаз – ұрпаққа қызмет етеді.