Мемлекет басшысының Жарлығымен бұл жыл Еңбекші мамандықтар жылы деп жарияланып, ел дамуына үлес қосатын техникалық және кәсіптік білімге жаңа серпін берілді. Осы бастама аясында жаңа мамандықтар атласы әзірленіп, білім беру жүйесіне енгізілді.

Біздің кітапханада осы маңызды құжатты насихаттауға арналған “Жаңа мамандықтар апталығы” ұйымдастырылды. Кітапханамызға қонаққа 1,3,16,44,48 мектептен 9 сынып оқушылары келді. Апталық аясында ерекше форматта өткізілген іс-шарада мамандарымыз жаңа мамандықтар картасын таныстырып, жоғары сынып оқушыларына кәсіби бағдар берді. Сонымен қатар, арнайы шақырылған оқу орындарының өкілдері өздерінің оқу бағдарламаларымен, артықшылықтарымен таныстырып, оқушыларға болашақ мамандықты таңдауда бағыт-бағдар берді. Жаңа заман жаңа талап қояды. Ал білім мен кәсіп — келешектің кепілі!