Елімізде бұл көктем мерекесі 1996 жылдан бастап тойланып келеді.
Мейрам қарсаңында кітапханамызға Мамандандырылған күзет қызметі басқармасының қызметкерлері келіп, атаулы күнге арналып жасалған шаралармен танысты.
«Күзет» полициясының офицерлері мен сержанттары О.Бөкей кітап ордасының оқырмандар мен қала қонақтарына ұсынатын түрлі қызметтермен толыққанды таныстырылды. Тәртіп сақшыларына 1 - мамырға арнайы жасалған кітаптар көрмесі ұсынылды. Сонымен қатар, еліміздегі халықтар достығын, ынтымақ пен бейбітшілікті паш ететін тарихи фильмдер көрсетілді.