Бүгін кітапхана төрінде тағылымға толы, рухты тербеген ерекше сәт орын алды. №42 мектептің 3-сынып оқушылары “Ерлік сабағына” қатысып, жүректеріне отансүйгіштік ұғымын сіңіріп қайтты.
Сабақ барысында жас бүлдіршіндер Кеңес Одағының Батыры Ізғұтты Айтықов пен даңқты қолбасшы, жазушы Бауыржан Момышұлы жайлы тың деректерге қанығып, батырлардың ерлікке толы өмір жолына көз жүгіртті. Кітапхана қызметкерлері дайындаған көрме балалардың ерекше қызығушылығын оятып, өткеннің өнегесін бүгінгі күнмен сабақтастырды.