«Борис Щербаковтың жасыл үйі» кітапхана-бөлімшесі тұрғындардың экологиялық мәдениетін тәрбиелеу, өскелең ұрпақтың бойында экологиялық сананы қалыптастырумен айналысады.

Бұл ең алдымен табиғатты құрметтеуге, тәрбиелеуге бағытталған кітаптар, ғалымдармен кездесулер, оқу-зерттеу экобағдарламалары және басқа да іс-шаралар арқылы өңіріміздің қоршаған ортасы туралы білім алуға арналған алаң.

Жерлесіміз орнитолог, биология ғылымдарының кандидаты, өлкетанушы жазушы – Борис Васильевич Щербаковпен экосабақтар, шеберлік сағаттары, тақырыптық кездесулер өткізіледі. Ғалым-биолог Шығыс Қазақстанның биоәртүрлілігін сақтаумен жұмыс жасап келеді.

Кітапхана экологияны терең зерттеуге қызығушылық танытатын оқушылар мен студенттерге келесі тақырыптық бағыттар бойынша оқыту сабақтарын өткізеді: биоәртүрлілік, энергия үнемдеу, суды үнемдеу, қалдықтарды сұрыптау, жергілікті тұрғындарды экологиялық тұрғыдан сауаттандыру. Балалар экология негіздерімен танысады, ғылыми-зерттеу іс-әрекетінің дағдыларын меңгереді, зертханада тәжірибелер жасайды. Экологиялық акциялар мен шараларға а қатысады .

Кітапхана құрылымы: ересектерге арналған абонемент, балалар абонементі, оқу залы, балалар ойын бөлмесі. Кітапханада оқырмандар үшін қолайлы: анықтамалық әдебиеттер аймағы, мерзімді басылымдар аймағы, ертегілер бұрышы, жасыл бұрыш, шеберхана жұмыс жасайды.

Кітапхана оқырмандары – әртүрлі жастағы тұрғындар.

Кітапхана заманауи компьютерлік және көшірме техникасымен, теледидар, DVD құралдарымен жабдықталған. Пайдаланушыларға бейне басылымдар, электронды оқулықтар, энциклопедиялар, анықтамалықтар, мамандандырылған деректер базалары ұсынылады.

Мұнда әркім өзі үшін жаңалық ашады: қызықты кітап, көрнекі альбомдар, танымдық ойындар және т.б. Көңілді демалысқа үлес қосатын - қызықты дизайны бар жайлыда жарық бөлмелер.