Орталық балалар кітапханасы

zdb1

 Орталық балалар кітапханасындағы қуанышты бір жаңалық - «Ғарышқа жол кiтапханадан басталады» атты жоба жүзеге асырылды. Жоба бойынша  кітапхана ішінде  құрылған  күмбезді  ғарыш үйі – Планетарийдегі жартылай сфералық экранда оптикалық - механикалық проектор және сандық технология арқылы жұлдызды аспанды тамашалап, ғарыш денелерін көруге болады. Сонымен бірге, бұл заманауи құрал - жабдықтар арқылы  Жер мен Аспан әлемі туралы арнайы бағдарлама құрып, көрсету мүмкіндігі де бар. Балалар  шығармашылық  студияларда ұйымдастырылатын  тақырыптық  ойындарға қатысып, қиялдарына қанат бітіретін болады. Ғарыш алаңы – оларды армандарға жетелейді! 

zdb3Балалар кітапханасында  түрлі  орталықтар  белсенді жұмыс істейді. Атап айтқанда:  Балалар оқуы және балалардың шығармашылық қабілетін дамыту орталығы, Мүмкіндігі шектеулі жастар мен балаларды әлеуметтік бейімдеу орталығы,  Пайдаланушылардың ақпараттық мәдениетін қалыптастыру орталығы. 

Орталық балалар кітапханасы – балалардың руханият мекені. Бұл жерде бала-оқырмандар түрлі кітаптар оқып, білімдерін байытады. Қиял-ғажайыптар мен ертегілер әлеміне саяхат жасап, шығармашылықпен  айналысады. Түрлі тақырыптардағы  әдеби-мәдени, танымдық, спорттық шараларға қатысып,  өздерін жан-жақты дамытуға мүмкіндік алады.

zdb2Орталық балалар кітапханасында  абонемент, оқу залы, бос уақытты тиімді өткізу және шығармашылық залы, Интернет-сыныптар балаларға мүлтіксіз қызмет көрсетеді.

Орталық балалар кітапханасында бала оқырмандарды құшақ жая қарсы алатын білікті де, мейірімді кітапханашылар қызмет етеді.  Олар кітап оқуға тарту арқылы балалардың білім-танымын байыту бағытында  түрлі тақырыптарда жылына жүздеген шаралар өткізеді.  

zdb5Орталық балалар  кітапханасы  атты бұл  шығармашылық шеберханасында 5 жастан 15 жасқа дейінгі балалар  өнертапқыштық  өрістерін кеңейтеді. Қиялдарына қанат қақтырып,  өз қолдарымен түрлі туындылар жасайды.

 

 

Орталық балалар кітапханасы – бұл қашықтағы пайдаланушыларының компьютеріне кез келген ақпаратты тегін жеткізіп беретін әлеуметтік –ақпараттық мәдени орталық. 

zdb6Орталық балалар кітапханасы – бұл  құстар мен басқа да тіршілік иелерін көрсетіп, таныстыру арқылы балаларды қоршаған ортаны танып-білуге, сақтап - аялауға үйрететін табиғатты таныстыру орталығы.

 

 

Орталық балалар кітапханасы – ата-аналарға арналған әдістемелік орталығы  (балаларды кітап оқуға тартуды  ата-аналарға үйрету, ата-аналар жиналысын өткізу, жеке ақыл-кеңестер беру және т.б.).

zdb4

Орталық балалар кітапханасы – мультфильмдер, танымдық және көркем фильмдер көру орталығы. 

Орталық балалар кітапханасы – балаларға  ақпаратты жедел іздеп, табу жолдарын үйрету орыны.

Кітапхананың мекенжайы:

Өскемен қаласы, М. Горький көшесі, 54

Телефондары: +7(7232) 26-26-43

Жұмыс кестесі:

Дүйсенбі - жұма: 09.00 - 19.00

Сенбі: 10.00 - 18.00

Жексенбі: демалыс

Тазалық күні: айдың соңғы жұмасы

 

 

 

1

Main Menu каз