Біз оқырмандарымызға не ұсынамыз?

Кең әдеби қор: Кітапханада оқу және көркем әдебиеттерді, сирек кездесетін жинақтарды қамтитын бай кітап қоры бар. Біз сөрелерімізді үнемі жаңартып, классикадан бастап заманауи бестселлерлерге дейінгі ең өзекті әрі қызықты туындыларды ұсынамыз. Кітапхана қорында қазақ, орыс, ағылшын, француз және түрік тілдеріндегі көркем әдебиеттер бар.

Цифрлық ресурстар: Кітапхана электронды кітаптарға, аудиокітаптарға және дерекқорларға онлайн қолжетімділік ұсынады. Бұл ресурстарды кітапханада да, өзіңізге ыңғайлы уақытта үйден де пайдалана аласыз.

Оқу мен жұмысқа арналған жайлы кеңістіктер: Біз оқу, білім алу және жұмыс істеу үшін қолайлы аймақтар жасадық: Оралхан Бөкей атындағы әдеби зал, VR-киіз үйі бар оқу залы және ана мен балаға арналған орын, сондай-ақ қоғамдық маңызы бар мәдени іс-шаралар өтетін конференция залы.

Клубтар, курстар және шеберлік сабақтары: Кітапханада әдебиет пен өнерден бастап технология мен тұлғалық дамуға дейінгі түрлі бағыттарда дәрістер, семинарлар, шеберлік сабақтары тұрақты түрде ұйымдастырылады. Атап айтқанда: – 3D-модельдеу және 3D-басып шығару курстары; – компьютерлік ойындар жасау курстары; – «COMICS-CLUB» комикс орталығы; – қазақ, ағылшын және француз тілдері курстары және тағы басқа. Дағдыларыңызды дамытып, ой-өрісіңізді кеңейту үшін біздің іс-шараларға қосылыңыз!

Баршаға қолжетімділік: Біз қызметтеріміздің қоғамның барлық топтарына қолжетімді болуын көздейміз. Балаларға, жастарға, қарт адамдарға және мүмкіндігі шектеулі жандарға арналған арнайы бағдарламалар әзірленген. «Кітапхана – зейнеткерлердің зияткерлік даму орталығы» жобасы аясында ересек жастағы қатысушылар жасанды интеллект мүмкіндіктерімен танысып, сурет салып, қағаз пластикасымен айналысып, оқылған кітаптар бойынша пікір алмасады.

Балалар залы шығармашылықпен айналысуға толықтай жабдықталған: креативті модульдік кейіпкерлермен жаңартылған интерьер, жаңа қызықты кітаптар, 3D-технологияларға арналған құрал-жабдықтар, конструкторлар, мүсіндеу мен сурет салуға арналған жинақтар, дамытушы үстел ойындары бар.

Инклюзивті балалар анимациялық студиясында балалар мен жасөспірімдер режиссёр, оператор, сценарист, суретші-мультипликатор рөлін сезініп, инновациялық жабдықтар көмегімен анимациялық фильмдердің қарапайым сюжеттерін жасай алады.

Бізге қосылыңыз!

Оралхан Бөкей атындағы Заманауи Орталық қалалық кітапхана — әр адам өзіне қажет әрі маңызды дүниені таба алатын білім мен мәдениет орталығы. Сіздерді қауымдастығымыздың бір бөлігі болуға, жаңа көкжиектерді ашып, жаңа жетістіктерге шабыт алуға шақырамыз!

Жаңалықтарымыздан хабардар болыңыз!

Барлық іс-шаралар, акциялар мен жаңалықтардан қалыс қалмау үшін әлеуметтік желілеріміз бен сайтымызға жазылыңыз!