Білім бәйгесінде талапкерлер үш кезең бойынша бақ сынасты. 

«ЕЛТАНЫМ» бөлімінде ғалым Қаныш Сәтбаевтың өмірі мен қызметі туралы геймификация сұрақтарына ҚАЗАҚ ТІЛІНДЕ жауап берді. 

«СӨЗТАНЫМ»  бөлімінде Оралхан Бөкейдің шығармалары бойынша сұрақтарға ОРЫС тілінде айтса,  «ӨНЕРТАНЫМ»  кезеңінде АҒЫЛШЫН тілінде өнер көрсетті. Осылайша өздерін жан-жақты сынға салған қатысушылардың арасынан үш тіл білгірі топ жарып шықты.

БАС ЖҮЛДЕ – Райымханова Еркежан, № 24 орта мектептің ағылшын тілі пәнінің мұғалімі

1 ОРЫН – Қожамбердиева Сабина

2 ОРЫН – Сайлауова Нұрай, Ахмер орта мектебінің ағылшын тілі пәні мұғалімі

3 ОРЫН – Гүлнар Армияқызы, Шәкәрім атындағы №1 орта мектептің ағылшын тілі пәнінің мұғалімі   

Жеңімпаздарды Өскемен қаласының мәдениет және тілдерді дамыту бөлімі дипломмен және бағалы сыйлықтармен қуантты.

Алаш қайраткері, Ұлтымыздың бас Ұстазы  Ахмет Байтұрсынұлының туған күні және  «Қазақстан Халқының тілдері күніне» орай  ғұлама ғалым Қаныш Сәтбаевтың 125 жылдық мерейтойына арналған  «ТІЛ ШЕБЕРІ» қалалық байқауын Өскемен қаласының мәдениет және тілдерді дамыту бөлімі және Оралхан Бөкей атындағы кітапхана ынтымақтаса өткізді.