Біздің басты демеушіміз «KAZZINC " ЖШС әкімшілік мәселелер жөніндегі басқарушы директоры ЛАЗАРЕВ АНДРЕЙ ПАВЛОВИЧ тағы да қуантты! Басынан бастап айтсақ.
Біз кітапханамызда инклюзивті орындар ашып, «ерекше қамқорлықты қажет ететін» жастарға заманауи технологияны үйретумен бірге, жұмысқа тартуды да белсенді жалғастырудамыз.
Мәселен, «Өскемен қаласының жұмыспен қамту және әлеуметтік бағдарламалар бөлімінің» жолдамасымен келген АЗАМАТ УСКЕНБАЕВ 3D үлгісін жасау курсында үйреніп жүр. Болашақта білгенін өзі секілді жастарға үйрететін болады. Өткен жолы, кітап ордамызға инкюзивті мультстудияның ашылу салтанатына келген басшы АНДРЕЙ ЛАЗАРЕВ біздің Азамат шабытпен жұмыс істеуі үшін «жайлы орындық сыйлаймын» деп уәде беріп еді. Сол айтқанын орындап, айналмалы кәсіби орындық тарту етті. Қайырымды демеушіге алғыс айтамыз!