Біздің О. Бөкей атындағы кітап ордасы биыл Мәдениет министрлігі алқасының ұйғарымымен еліміздегі үздік қалалық кітапхана аталған еді.
Кітапханамызда жаңашылдық жұмыстар ұдайы жүзеге асырылуда.
Соңғы бірнеше жылдар көлемінде жас жеткіншектерге сандық үлгіге көшіру үрдісі, ІТ-технология салаларын үйрететін Өскемендегі бірден-бір орталыққа айналып отыр.
«Өрлеу» біліктілікті арттыру ұлттық орталығының Шығыс Қазақстан облыстық филиалында білім алушы ұстаздар кітапхана көрсететін қызметтер түрімен толыққанды танысты.
Олар, әсіресе, оқушыларды оқыту-үйрету барысында кең қолдануға болатын заманауи технологиялар мен бағдарламаларға ерекше назар аударды. Жүзеге асырылып жатқан жұмыстарды орта мектептерде кең көлемде іске асыруға болатындығына көздерін жеткізді.