📚 Оралхан Бөкей атындағы кітапхана – бұл ауқымды халықаралық шараның қатысушысы.

Бүгін, 2025 жылғы 2 қазанда, «Ыстықкөл-Аврора» санаторийінде
«Заманауи кітапхана – мемлекеттің стратегиялық ресурсы» атты конференцияның ашылуы өтті.

✨ Жылдың тақырыбы:
«Цифрлық трансформация: заманауи кітапхананың жаңа шындығы»

Ресми ашылу аясында мыналар өтті:

• Кітапхана ісінің дамуы туралы бейнепрезентация;
• Конференция ұйымдастыру комитетінің төрайымы, Қ. Баялинов атындағы балалар және жасөспірімдерге арналған Республикалық кітапхананың директоры, «Қырғызстанның жаңа әдебиеті» порталы редакциялық кеңесінің мүшесі Султангазиева Роза Қалыйқызының құттықтау сөзі;
• Қырғыз Республикасы Мәдениет, ақпарат және жастар саясаты министрінің орынбасары Надырбеков С.Н.-нің құттықтау сөзі;
• Ресей Федерациясы, Қазақстан Республикасы, Өзбекстан Республикасы, Тәжікстан Республикасы, Корея Республикасы, Эстония Республикасынан келген қонақтардың құттықтаулары.

Ашылу салтанатында сонымен қатар, Ақжігитова Қабиба Мұрзақанқызы – Шығыс Қазақстан облысы кітапханашылары қауымдастығының төрайымы, Оралхан Бөкей атындағы орталықтандырылған кітапханалар жүйесінің директоры құттықтау сөз сөйледі.

Ашылудан кейін пленарлық отырыс басталды. Онда Қабиба Мұрзақанқызы
«ШҚО кітапханашылары қауымдастығы: IFLA-пен бірге жүрген жолымыз» тақырыбында баяндама жасады.

Біз кітапханалардың цифрлық трансформациясының жаңа көкжиектері мен заманауи қоғамдағы кітапхана ісінің стратегиялық рөлін талқылайтын осындай маңызды халықаралық шараға қатысып отырғанымызға қуаныштымыз.

Конференцияға қатысу – бұл тек тәжірибе алмасу ғана емес, сонымен қатар даму, ынтымақтастық пен мәдени байланыстарды нығайтудың жаңа мүмкіндіктері.