📚 Бүгін Оралхан Бөкей атындағы кітапханада «Кітапхана – қарт адамдардың зияткерлік даму орталығы» жобасы аясында танымдық әрі шабыттандыратын кездесу өтті.

Қатысушылар ноутбукпен жұмыс істеудің негіздерін меңгерді: интернеттен ақпарат іздеу, құжаттарды жасау және сақтау, жүйе параметрлерін баптау тәсілдерін үйренді. Сонымен қатар, смартфонды сенімді пайдалануға дағдыланды – файлдармен жұмыс істеу, жадты тазалау, галереяны ашу және күнделікті өмірге пайдалы қосымшаларды қолдану жолдарын білді.

💻✨ Сабақ жылы да достық атмосферада өтті. Қатысушылар жаңа білім алып қана қоймай, өмірлік тәжірибелерімен бөлісіп, бір-біріне қолдау көрсетті.

📖 Мұндай сабақтар үлкен жастағы адамдарға цифрлық әлемде өздерін сенімді сезінуге мүмкіндік береді және жаңа нәрсені үйренудің ешқашан кеш емес екенін дәлелдейді!

🌟 Заманауи технологияларды меңгергісі келетін Өскемен қаласының тұрғындарын біздің сабақтарға қатысуға шақырамыз! Оралхан Бөкей атындағы кітапханамен бірге жаңа мүмкіндіктер әлемін ашыңыз!