Оралхан Бөкей атындағы Орталық қалалық кітапханада балалар мен жасөспірімдерге арналған робототехника курстары өз жұмысын жалғастыруда. Сабақтардың негізгі мақсаты — техникалық ойлауды дамыту, бағдарламалау мен құрастыру дағдыларын қалыптастыру.

Сабақ барысында қатысушылар механиканың негіздерімен, электротехника элементтерімен және басқару алгоритмдерімен танысады. Сондай-ақ заманауи оқу конструкторларын пайдалана отырып, роботтарды құрастырып, бағдарламалайды. Балалар роботтардың қарапайым тапсырмаларды орындауын, кедергілерден өтуін және қоршаған ортамен өзара әрекеттесуін үйренеді.

Сабақтар практикалық форматта өтеді. Әрбір қатысушы өз идеясын ұсынып, оны тәжірибе жүзінде жүзеге асыруға мүмкіндік алады. Бұл үдеріс тәжірибелі жетекшілердің бағыт-бағдар беруімен жүргізіледі.

Ұйымдастырушылардың айтуынша, курстарға деген қызығушылық жоғары — әрбір сабақ белсенді, шығармашылық әрі ынталандырушы ортада өтуде. Қатысушылар тек технологияларды меңгеріп қана қоймай, топпен жұмыс істеуді де үйренеді.

Робототехника курстарына қатысу үшін кітапханаға тікелей келіп немесе мекеменің ресми байланыс арналары арқылы жазылуға болады. Курстар инженерлік және цифрлық дағдыларын дамытуға қызығушылық танытқан барлық мектеп оқушыларына арналған.